MIRROR成員陳卓賢（Ian）一連7場個人演唱會《IAN CHAN“TEARS”IN MY SIGHT SOLO CONCERT 2024》，昨晚（19日）在亞洲國際博覽館開鑼。Ian甫開場以王子Look，連同白色鋼琴升上舞台中央，彈出久石讓的作品《One Summer’s Day》，作為是次演唱會的音樂總監，Ian更特別邀請管弦樂隊伴奏，相當有氣勢。隨後再施展結他功力，自彈自唱兩首作品《Lost at first sight》和《DWBF》，並由十幾位舞者伴舞，為個唱揭開序幕。
在唱《搞不懂》前，Ian向歌迷打招呼：「Hello，大家好！歡迎嚟到Ian Chan演唱會首場！等咗好耐？我都係！第一場唔簡單。一開場，揀咗《Lost at first sight》！因為1993年一個小孩誕生，所以揀咗隻歌，希望你哋鍾意！今次好Free，喜歡喊就喊，笑就笑，企就企，最緊要舒服。」而唱出《Thank You Postman》，有舞蹈員扮成郵差給觀眾派信，Ian笑謂：「呢封唔係情信，不過都係我親手寫嘅。」
Ian除了鋼琴家張貝芝伴奏外，頭場請得唱作人吳林峰擔任嘉賓，Ian稱有一首久久面世的歌曲《52》，他指這首歌正正反映了自己的內心，自己朋友也不多，形容自己好似「世上最孤獨的鯨魚」，52赫茲的頻率其他人都聽不到，因而被人孤立，「我唔擅長同人溝通，唔Social，所以朋友有限，諗咗好耐最後都係請嘉賓。」Ian表示久仰吳林峰已久，但與對方真正是在籃球場上認識，而音樂上則是首次合作，他希望將來有更多機會合作，二人隨後合唱《下一束光》。
而吳林峰直言一直留意Ian的作品，更表示要買飛入場支持Ian：「我同女友講唔使買飛，佢請我做嘉賓。」他指Ian喺自己心中好特別，「外表睇好cool，內心卻好溫暖，佢對自己好執着，唔會俾自己舒服好過，打籃球都係一樣。」吳林峰之後送上一部菲林相機給Ian，笑指菲林相機是「麻煩之物」，影相需要很多步驟，他希望Ian慢慢學懂靜下來看着一個焦點，「我知佢唔會放過自己，希望之後嘅每晚都能夠慢下來，好好享受當下嘅moment。」兩人更即席用相機拍下第一格菲林作留念。
是次演唱會主題為「tears in my sight」，Ian感性指每個人都有情感一刻，眼淚有開心、傷心和遺憾，而自己則非經常哭的人，「但想同大家講流淚唔羞愧、唔可怕，請盡情喊，眼淚便化成蒸氣、化成煙，變成回憶，是陪伴成長的一課。」
而Ian跳唱完《夜視鏡》後，突然脫去外套露出黑色貼身背心，大騷結實胸肌和麒麟臂，唱出MIRROR 的《Sheesh》，令引來全場歌迷尖叫，掀起全場高潮！到安歌環節，Ian穿一套樹熊衫出場，他更「樹熊」上身圍邊台邊跳跳紮，最後他感謝家人昨晚到場，家姊更專程飛返港支持，最後唱出《正式開始》為演唱會作結。
