陳嘉桓（Rose）踏入龍年後被批有好姻緣，雖然新年她在桃花下拍照應景，但她仍寄望努力工作多過拍拖。Rose自言身處娛樂圈多年難免八卦，最初跟契媽Janey Chau學完皮紋分析，她為增添信心和數據，在出席聚會時不停找人看手指，她記得曾主動要求幫陶大宇和譚詠麟看手指：「嗰陣大宇哥仲未唱《倒轉地球》，但指紋顯示佢好活躍，馬騮仔咁，又乜都冇所謂，鍾意搞笑令人開心。」至於譚校長，果然有校長的權威和目標感，這些數據都令她覺得好得意，對皮紋興趣大增。
Rose坦言因母親懷她時太年輕及有憂慮，致她的先天分數較低，難分散同一時間做不同工作，所以她雖然還有戲癮，但相比起皮紋工作給予她的滿足感，及幫到很多人解決家庭問題，她樂意暫時專注皮紋工作，並相信：「放低有時可能又得到啲其他嘢！」
另一原因，是Rose為照顧已14歲的愛犬，不捨得離開香港。她說：「隻貴婦狗一直跟我住，以前養咗5隻走剩佢一隻，為咗佢，疫情完咗我都未飛過，依家無論拍劇拍戲都喺內地開工，我實在走唔開。」
