陳山聰今天（2日）迎來46歲生日，壽星凌晨十二點便在社交網站發文，分享又大一歲的感受：「46歲的我，知足、常樂、感恩。今年生日願望希望我大佬Jaco快高長大，身體健康、聽教聽話 。家人及身邊所有朋友身體健康，我主演兩套台慶劇《美麗戰場》、《超能使者》有好成績。最後祝大家身體健康、疫情快消失、大家可以自由自在生活，46歲仲想點吖。」山聰亦趁機派福利，大曬惹火爆肌照！
而山聰的太太Apple和一班「將軍澳街坊福利會」老友胡定欣、袁偉豪、張寶兒，以及單立文亦齊聚為他慶祝，定欣留言：「Uncle Joel…你的正能量和動力永遠都係我最好的學習對象，玩的時候盡情玩，要堅持的時候就堅持到底。誠心Auntie Nann祝您生日快樂，身體健康，事業家庭一樣有好成就，同阿萍快d生多個囡，湊夠一對好字，Jaco繼續咁得意!」
袁偉豪亦寫下：「呢一位有堅毅意志嘅兄弟，又同你過一年生日，祝你身體健康、好好繼續建立自己嘅事業、跑屬於自己嘅人生馬拉松，Is your birthday is your birthday。」
姚子羚也希望山聰型到八十歲，「陳山O~Happy Birthday，身體健康！平安喜樂！fit到爆！型到爆！今年攞獎！兄弟等我返嚟同你食飯。」而契家姐伍詠薇亦上傳二人合照，祝福山聰生日快樂。
