陳山聰48歲生日豪擦鮑魚麵去開工 提早孖佘詩曼林子善食飯慶祝

陳山聰今日（2日）48歲生日，他在ig限時動態上載一碗共有6隻鮑魚的麵照，留言：「食碗長壽麵去開工」。生日要開工，他亦早已跟好友慶生，佘詩曼貼上與山聰妻兒、郭政鴻、崔加寶與老公周文曦齊為山聰慶祝，枱上放有多個蛋糕和壽桃包，留言：「Wishing you a joyful, memorable day and an amazing year. Happy Birthday bro! （祝你度過愉快、難忘的一天和美好的一年。生日快樂兄弟！）」

林子善亦分享為山聰慶生，二人一直以叔姪相稱，子善表示：「年年生日阿叔都會調返轉頭請食飯，好耐之前佢講你係我姪我要照顧你，佢個人係咁行舊制邊個搵到邊個請，所以我兩個一直都好互相照顧大家。其實男人同男人之間係可以好有愛，一個男人掛住你嘅時候發短訊俾你，同你講好耐冇見好掛住你出嚟食飯。好感恩我身邊有幾個男人會係咁樣，陳生袁生林生黃生葉生張生都係咁。祝你日日一家人健康快樂心想事成，亦祝我哋兩叔姪友誼永固感恩到老」。