陳慧嫻將於2025年1月21日開始於紅館舉行40周年《The Fabulous 40 Priscilla LIVE IN HONG KONG 陳慧嫻演唱會》，9年沒有舉辦演唱會，門票反應非常熱烈，為滿足不停求加場的歌迷，慧嫻決定再加開1月26日一場。又為答謝歌迷對她的支持，特別於12月23日晚上，製作了一份聖誕禮物《Priscilla Chan The Intimate Live》送給歌迷 ， 片段將於23日晚上在其個人及十多個YouTube、Facebook等等平台上播放。
慧嫻會為大家演唱經典歌曲之餘，更會有同今次演唱會音樂總監何丙兩人的私密搞笑傾心事，節目將令大家看到一個意想不到鬼馬又可愛的陳慧嫻。講到Intimate私密，慧嫻表示何丙在節目中，問了好多奇怪私密問題，是她從來沒有答過，「例如佢問我，寧願一世冇高潮定係一日一百次…..重有咩放屁呀，唔沖涼定唔洗頭呀…我都唔記得咁，剩係記得大家一齊笑到肚痛。23號晚上九點，記得睇啦，到時大家咪知囉。」
談到演唱會籌備，慧嫻表示演唱會除左40年以來經典金曲之外 ，還有好多東西準備中，「一定要唱嘅歌，從來未唱過嘅歌，好努力練緊歌詞，重有好努力排舞中！因為音樂總監何丙嘅編曲非常之咁….勁！咁就搞到舞步都要好多囉。哈哈，咁我都多謝何丙，個編曲係一定令到大家覺得好正嘅。」
問到慧嫻最期待演唱會時見到什麼畫面，慧嫻稱：「我睇人哋啲演唱會，見到歌手叫觀眾開電話燈，一齊燈海咁陪住唱歌。咁多年來我自己演唱會，我冇試過叫觀眾開燈咁做。我其實好鍾意呢種溫馨令人感動場面，我好希望，如果我開騷個日，由頭到尾…由第一隻歌開始，大家搖住個電話燈到最後一首歌，咁我可能真係會開心到喊，我知咁搖隻手會好攰，但係我四十周年喎，歌迷大家做啲嘢啦，當送俾我。」
