陳曼娜（Manna）出席MakerVille原創劇《飛黃騰達》拜神儀式。她透露身受眼疾困擾三十多年，令她苦不堪言：「其實喺呢咁多年嚟，我係半盲狀態，因為喺三十年前我去咗做矯正近視嘅手術，點知最後手術失敗，我視網膜脫落咗，視力得返一半，對我打擊好大，唔知將來會係點，每日以淚洗面，對我身心傷害好大，但諗起家人就唯有撐落去，喺呢三十年我視力好差，而且因為咁我經常跌親。結果我搵咗另一個醫生，佢幫我救返隻左眼。」
Manna又指：「今日我嚟呢個活動前，我先見完醫生，過兩日醫生會幫我做一個手術，用最新科技將隱形眼鏡導入隻眼裏面，完成咗之後，我唔使再戴眼鏡，視力就會清楚啲。一路以來，我受視力影響，好多識我嘅朋友同我打招呼，我都望佢哋唔到，令到佢哋以為我扮晒嘢，就係產生咗好多誤會出嚟。希望過兩日做完手術，可以再睇得到靚仔啦！」
相片來源：陳曼娜@Instagram