陳松伶今日（22日）為《「耳愛傳聲」19周年慈善演唱會 2025》進行綵排，她表示今次專登回港，雖然只唱一場，但老公張鐸當日亦會來港支持，今次演唱會由於下午舉行，令她相當歡喜，「我鍾意3點開騷，始終剛過55歲生日，成個身體生理時鐘都開始唔同了，依家會早睡早起，每日都做半小時運動，年紀大怕有三高，又怕要打針，雖然依家都未有，但病痛開始關自己事，老公雖然細我9歲，但佢都成日話，我哋無兒無女，又要照顧屋企嘅父母，所以首先照顧好自己，必須身體健康。」
剛渡過55歲生日的她自言老公不在身邊慶生，「今年生日都無咩慶祝，身邊人都不在香港，只係打邊爐算慶祝咗，依家都戒甜，蛋糕細細件就可以，每日食任何嘢都會計住，唔可以超標。（老公送咩？）佢成個人已經送咗俾我，哈哈！都送現金囉，當晚12點佢微信支付俾我，我睇錯咗就㩒咗拒絕，都5，6位數，仲攞好意頭，類似咩131488，早上我即刻叫佢再俾過我，佢問係咪嫌少，生活上我哋成日都好多烏龍笑話。」
更多現場圖輯：
