陳柏宇（Jason）今個月中完成演唱會，昨日（22日）他趁著假期在家陪兩個囡囡陳羿辰（Abigail）及陳星晴（Audrey）。怎料下個月將2歲的細女Audrey發生家居意外，不慎跌倒撞傷頭部，需入醫院縫7針。Jason事後公開家中閉路電視片段，片中見Jason收拾餐桌後轉身入房，大女Abi在梳化旁紮緊頭髮，妹妹Audrey則站上梳化邊緣，結果失平衡跌到地上，頭部撞到牆，Audrey受驚大哭，Abi馬上關心阿妹情况。
在另一條WhatsApp語音對話中，Jason對向太太Leanne符曉薇泣不成聲，Leanne心痛道︰「唔好喊啦，爸爸，我知道呀，我都想喊呀，爸爸。我知道呀，加油呀爸爸。你好叻呀，如果你唔喺度，調返轉我可能仲驚，你好叻呀，爸爸﹗」Leanne事後在IG代細女報平安︰「大家唔使擔心，柯住（Audrey）好勇敢，今日跌咗落地下撼親，個頭縫咗七針。雖然同爸爸分開嗰陣時喊到七彩，護士話縫到中段妹妹都已經冇喊，好乖咁俾醫生縫針。」她又表示妹妹暫時精神好好，「縫完針護士仲俾咗包餅餅我哋，妹妹食晒啦。」而目擊事發經過的Abi亦很擔心妹妹，卻不敢陪妹妹去醫院，因為不想見到妹妹哭，「家姐好傷心，見到妹妹返屋企，佢好開心，妹妹都喺醫院不停問Abi呢。」
今日Leanne又上傳一張Audrey的相片，以及一張囡囡頭部縫完針的相片，並寫道：「阿妹話唔使擔心，我而家食得走得。雖然條疤痕大啲，媽媽肉痛啲，但係都冇阻我玩同食嘅心，唔信試吓攞盒士多啤梨喺我面前。」Audrey表現精靈，自己乖乖吃麵，網民也紛紛留言祝她早日康復。
