陳柏宇（Jason）於紅館舉行兩場演唱會，昨晚（11/12）尾場邀來方皓玟（小明）擔任嘉賓，兩人相識15年，在台上一起回憶往事和大談育兒經。
Jason與小明感覺15年來各自也有很大的轉變，曾一起唱K、睇戲和食炸雞，畫面仍歷歷在目，當他仍想繼續「爆料」時，小明卻怕「阿嫂」符曉薇呷醋，打斷他的話，笑言：「唔好再講，如果唔係你返去唔知點搞。」之後，兩人轉話題談育兒經，小明表示囝囝漸漸長大，開始抗拒錫錫，「佢已經唔俾我錫佢，我仲諗住咀爆佢，但佢已經唔俾我咁做。」原來Jason也有相同遭遇，他說：「我個女有時都係咁，佢成日會話，爸爸你唔好成日咁錫我呢度啦！所以I Feel You Man!」
Jason整晚唱了32首作品，其中唱出《逸後》時，突然淚崩哽咽，有半首歌也不能唱下去，現場觀眾即揮動手機燈光大合唱，代他唱完整首歌，場面感人。他在演唱會後解釋：《逸後》嗰一Part係講離別，眼見好多人都移民，一個一個咁走，入咗個故事裏面，所以頂唔住。」
