今日係陳柏宇（Jason）嘅38歲生日，身為女兒奴嘅Jason，生日當然唔少得大曬囡囡陳羿辰（Abigail），而囡囡都好識做開口叫爸爸冧爆Jason。
Jason今日喺Instagram upload咗一張相同一條片，留言「I’m 38」，相就係Jason擺甫士嘅單人照，而短片就係囡囡Abigail喺唔同情況下叫爸爸嘅片段合集。短片嘅最後係Abigail仲同媽媽符曉薇一齊唱生日歌，祝Jason生日快樂。
片中有一個畫面係符曉薇問囡囡最鍾意邊個嘅時候，Abigail即答：「爸爸」，令符曉薇難以置信咁瞪大雙眼，囡囡果然係爸爸嘅「前世情人」。
圖片來源：陳柏宇＠Instagram