陳柏宇（Jason）昨晚（7日）於日本人氣歌姬milet的亞洲巡迴演出香港站《milet Asia Tour 2024 in Hong Kong》驚喜登場，擔任演唱會嘉賓，港日同台獻唱特別版新歌，掀起高潮。
Jason與milet繼今年7月於日本，為中、英文版歌曲《Cheat Day（feat. milet）》、《Out Of The Loop》錄音及拍攝MV後，相隔4個月後再度合作，首度現場獻唱《Out Of The Loop》。Jason甫上台便說：「多謝你嘅邀請，我好興奮，因為今次係我哋第一次Live演出，仲要係唱兩首歌嘅mash up，知道你為咗唱廣東話落咗好多苦功！」milet則謂：「廣東話啲發音真係好難！錄完之後其實都唔係太滿意自己嘅發音！」Jason二話不說大讚milet：「你做得非常好！（對着觀眾問）你哋話係咪呀？」樂迷隨即吶喊歡呼，所以這次同台合唱的版本也特意保留《Cheat Day》的幾句歌詞，如「巴打 絲打 仲去死chur 咪啦」、「要一次攞晒啲大假 快啲去天腳底渡（度）假」等，重新編排後的中英mash up版本，令人耳目一新。
二人見面後亦隨即交換禮物，Jason除了送上鮮花，也準備了最新專輯《LIFE IS HARD》，當中收錄了與milet合唱的兩首歌曲。Jason於日本首次與milet碰面時，送上了她最喜愛的香港零食，就是黑加侖子軟糖，更將其縫製成一個斜孭袋給她穿上；今次當然也不例外，Jason特意準備了更大包裝的軟糖，milet接過後立即笑晒口！