大台近年常被觀眾批評缺乏年輕女星，因大部分一綫女星已不是十八廿二之齡，但其實呢班女星外表仍然青春十足，現年46歲的陳煒（煒哥）就是絕佳例子之一，佢今日upload 咗張輕性感照，短短3個鐘已勁吸萬幾個like。
前排天氣好潮濕，嚟到3月都仍然涼涼地，但去到今日（3月23日）終於出太陽喇，而煒哥更著上背心企喺大玻璃前自拍派福利照俾大家，仲留言：「今日好熱呀。（It’s boiling hot today）」當好友林子善見到呢張相嘅時候，都為煒哥企到咁高感到擔心，「企到咁高危險㗎煒哥，你攬住我先啦，安全好多㗎。」Btw，林子善咁留言法唔怕太太呷醋咩？
圖片來源：陳煒＠Instagram