張敬軒《THE NEXT 20》演唱會昨晚（27日）邀來同鄉陳蕾一起載歌載舞，兩人合唱《詩郵寄》，已經令全場哄動，豈知陳蕾還送上手織的咪套，並親手幫軒仔套上去，引得觀眾爆笑，連軒仔都忍不住說：「呢份禮物真係好爆。」
軒仔與陳蕾同樣來自廣州，又是唱作人，卻每次在工作場合見面，總有一個距離感，他說：「覺得佢好冷艷，好cool，好有距離感，點解呢個新人成日黑口面黑面‥‥‥」陳蕾表示中學時在廣州看過許多軒仔的演出，「當時你剛出道，廣州出個歌手叫張敬軒，我哋周圍介紹俾身邊同學知，大家覺得好驕傲好光榮。今日好開心有機會，你邀請我來做嘉賓，多謝你！」她之後為了軒仔所說的距離感而「自辯」，說道：「我唔係有距離感，為咗證明我其實好貼地又隨和，我準備咗一份禮物俾你。我最近學針織，不如就親手織啲嘢送俾你啦，但我其實唔係好熟你個Size，我估有一個Size我可能比較清楚，我已經袋住係身，我織咗個咁嘅嘢‥‥‥」
她隨即從口袋中掏出一件「條」狀物體，軒仔及觀眾見到便馬上爆笑，他說：「喂，你呢個咩來先？咁形狀？離遠望佢，我估都差唔多size，中間仲有個心形，可以笠喺邊呢請問？」一連串妙語連珠爆發，引得哄堂大笑。她又拿著咪套問軒仔，「你要唔要我幫你笠？」接着親手幫軒仔戴上，還笑言：「哎呀，真係啱啱好！」軒仔笑說：「我其實有啲怕，驚有人離遠影，影出來有色差，見我揸住條肉色嘢影相就唔好！大家記得呢件嘢係粉紅色㗎！哈哈，好爆呀你呢份禮物！多謝你先，好溫暖，呢份係人生收過最有心思禮物！在座女士學嘢啦，如果你要送禮俾你鐘意你嘅另一半，個另一半又鐘意唱歌‥‥‥」笑聲過後，軒仔將舞台交予陳蕾，獨唱《相信一切是最好的安排》。
