陳豪及宣萱等今日出劇集《陀槍師姐2021》宣傳活動。陳豪笑稱自己是「鑊王」，「我煮嘢好有鑊氣嘅，簡直色香味俱全。我下廚着重高品質，餸菜都高水準。」宣萱表示陳豪太太陳茵媺（Aimee）廚藝都好高水準。陳豪亦讚愛妻廚藝同樣了得，「我廚藝好勁，不過佢仲勁，由零開始搵網上食譜研究，煮乜都似模似樣。」宣萱則坦言很少下廚，「不過我覺得有心學就一定得嘅，我都煮過畀人食，朋友試過我嘅廚藝，覺得都唔係差啫。」宣萱又指感情隨緣，「依家疫情我都唔出街，朋友都見得唔多，呢啲嘢隨緣啦，我好享受自己嘅生活。」而過去的情人節，宣萱表示與同性舊同學聚會。