陳豪與龔嘉欣主演的劇集《企業強人》雖然剛播完，但愷哥和方芳這對CP熱度仍在，嘉欣今日在社交網就上載了與陳豪大跳女團Blackpink成員Rose與巨星Bruno Mars合唱的洗腦神曲《APT.》MV舞姿，留言：「雖然企業強人啱啱播完，但愷哥帶埋方芳賺外快，繼續CP檔，多謝客戶嘅喜愛。同埋，我終於發現咗我老闆一個秘密，原來佢竟然係隱世嘅『舞林』高手，睇咗一次就識跳，仲要跳得咁好！果然係強人！乜都咁強！」
陳豪除了舞姿勁，表情亦超可愛，逗得一眾網民大嗌「好得意」，嘉欣好姊妹譚凱琪仲話「好想跳埋一份添」。其實去年播出又是嘉欣與陳豪合作的《新四十二章》，其中一場戲是陳豪對着嘉欣大跳街舞，當時陳豪已獲讚苦練幾粒鐘就跳得有文有路，比起他的「魔音」，陳豪跳舞天賦要強得多。
