劉雅麗繼日前請來演藝同學梁榮忠上她的網上直播節目後，日前再請來另一位同學仔陳錦鴻與妻兒一家三口透過視像亮相，陳錦鴻與太太杜雯惠的17歲兒子陳駕樺，於3歲半時因仍未懂說話，確診患自閉症；夫妻為照顧兒子減少工作，陳錦鴻多年來幾乎成全職湊仔公，二人曾推出有關養育自閉兒經驗的書籍。
杜雯惠提到就讀國際學校的駕樺是SEN（特殊學習需要）學生：「佢（駕樺）同一般小朋友喺學習方面可能有些事情會冇咁好、咁叻、咁快，但另方面他有些事是比別人更叻更快，有自己的優點。由駕樺細個開始，我哋冇當佢係一個『特殊』人，同一般人一樣，搵到自己喜歡嘅事就好努力去做。」並囝囝是近年才愛上音樂，因為看了雷米馬力主演的《波希米亞狂想曲：搖滾傳說》，2019年開始主動要求學鋼琴，為此戒掉打機，每日練習五六小時，考獲八級鋼琴，並準備考演奏級。
陳錦鴻為兒子駕樺曾停工10年，坦言全靠在這段時間當作自己扮演一個角色，每日都演緊戲，所以無論駕樺做錯、表達得不好或不理解，他都很有耐性、很好笑容，保持情緒去面對囝囝，否則情緒或作息容易受影響。
駕樺在訪問中段現身，是長大後罕有露面，身形高大比爸爸陳錦鴻高半個頭，媽媽杜雯惠在他身旁變小鳥依人。駕樺主動跟Auntie Alice（劉雅麗）打招呼與交談，獲邀即席彈琴表演，隨即自彈自唱英文歌，介紹是他原創的歌曲，又透露會有一場學校表演，其他國際學校的學生也會到場。駕樺隨後又彈奏另一首歌，陳錦鴻看着兒子表演一臉欣慰。網民大讚駕樺表現，除琴技令人陶醉，面對鏡頭跟劉雅麗對話，表達很清楚，又很有禮貌，獲網民讚賞會鞠躬致謝。
陳錦鴻透露跟駕樺自小的親子活動是每日為囝囝按摩，習慣保持至今，因為要對方學懂放鬆。杜雯惠提到兒子明年中學畢業，會按他意願繼續音樂發展，在港報考不同有音樂專科的大學，包括香港演藝學院，視乎有沒有學校取錄。
被問到有否考慮「復出」拍劇？陳錦鴻說：「一來有冇人搵，演員係好被動，我哋做演員只能夠自己Keep住好好狀態，等有機會嚟到就可以捉住佢，所以你見我都係日日做運動，保持自己好好狀態，盡力啦，希望有機會嚟到、啱劇本、自己又可以拍，咁咪可以拍囉！」
