陸永今日同老婆帶埋兩個囡囡出現機場check in，期間有位外藉人士問記者佢係邊個?記者就答佢係rapper ，點知個鬼佬就主動行埋去陸永身邊，問佢係咪著名音樂人？
搞到佢一臉尷尬，之後陸永check in完，就同老婆分開行，陸永就拖大囡行入閘，一行埋記者身邊就笑笑口話做咩同鬼佬講佢係著名音樂人，「我同佢講我唔係著名音樂人，佢仲以為我係周杰倫？要我交換wechat!」問到佢係咪去峇里參加鄭嘉穎同及陳凱琳婚禮，「唔係呀！乜有得飲咩？有得飲都唔請我？但我真係唔係去飲，係去台灣玩。」陸永真係盞鬼！
