唔該晒靚仔（靚女）！
以前不大會用這種稱謂招呼陌生人，（唔陌生就直接叫名啦！），最多叫姐姐、哥哥。久而久之，活動出多了，見人家也是悉心打扮呀，叫聲靚仔（女）又何妨？！
從來，我把這個用詞的詮釋就跟別人有差異。狹義要將五官精緻的才稱之為「靚」，可是現在大家都可靠外求而導致精緻的年代，靚並不稀奇！靚也失卻了靈魂。閒聊時帶到某、某、某，靚女嗎？死硬不答口！因為我所認知的這個人，擔不起！去形容人靚，比較想深入一點看氣質（又講氣質？），一個站在你面前，空有大眼大胸，高鼻小嘴，然而內心虛偽、陰險、奸詐的人，的確不配以「靚」去形容。反而有些蠢蠢地，甚至唔知自己想點的後生女，有時勉強我都會給個合格的評分。
所謂心善則美！別要以為我愛擦鞋，逢人叫靚女！我可要在內或外找到特點，才吐得出「靚女」這兩個字！就如我昨天見到位年輕姐姐，外表的確與靚沾不上邊，但她笑容燦爛，充滿着感染力，我非常想以正面的反應去回饋她熱情的付出，紮實地叫了她一聲靚女，笑靨上更添了份莫名的光采！