林芊妤（Coffee）不時在社交網分享生活日常，最近她在ig分享第一次收到老公送的一束花，留言：「今日開完會，然後再去學校車彥彥返屋企，通常枱上都會有PR送嚟嘅禮物，所以我就冇為意去左梳洗先，喺我最醜樣嘅時候，我發現花唔係PR送過嚟嘅。What ????? 其實我係第一次收老公送嘅花，所以就算佢送膠花我都一樣咁開心，老公仲要係第一次送花俾人，處男下海，我梗係要出賣你啦，跟住彥彥無啦啦入咗自己房好耐，到我喺度剪緊片，佢走出嚟俾咗張紙我，話媽咪呢朵花係我送俾你㗎，哎唷！真愛，即刻9秒9忘記咗老肉送俾我嘅花。」她更hashtag「小鮮肉的威力」。
網民留意到亮點是Coffee老公寫的心意卡，稱呼老婆做Jai Jai，最後更備註「This is not for posting!」十分搞笑，而署名是Old meat husband。 Coffee咁開心，當然要出賣了「老肉」老公啦！至於點解叫Jai Jai？網民都好好奇，Coffee大方解話，因為拍拖時老公叫佢BB仔仔，即係BB仔嘅尾音，所以叫Jai Jai，真係好Sweet啊！
