香港大熊貓龍鳳胎BB出世個半月，一直由媽媽盈盈與專家跟護理員團隊輪流護理兩姊弟，一個在盈盈懷裏，另一個就由團隊幫手，所以很難得兩姊弟同框。香港海洋公園與大熊貓官方專頁，今午難得分享幾張家姐細佬同框的照片，大家均期待已久，故隆重宣布表示「咁重要嘅事，緊係要講三次啦！」還激動地叫大家留意，家姐的手仔掂住細佬的手仔，網民同樣激動，大喊「家姐隻手仔……係愛呀……」、「姊弟情深手牽手」！
兩姊弟同框，代表盈盈可好好休息一會，雖然園方昨日已公布兩姊弟體重，家姐超過1.6kg；細佬也超過1.4 kg，但當兩姊弟放在一起來比併，就發覺家姐比細佬圓潤，有個圓圓的肚腩仔，又比較粉色，網民話「家姐果然係家姐，要大大隻隻保護細佬佬」。
