無綫台慶真人騷節目《香港小姐再競選》將於本周六晚（29日）播出，參賽佳麗全部均為歷年未能成為三甲的港姐，包括1號梁允瑜、2號蔡菀庭、3號陳懿德、4號黎寬怡、5號李天縱、6號李芷晴、7號賴彥妤、8號鄺靜汶、9號黃婉恩、10號王嘉慧、11號何沛珈、12號關楓馨、13號麥皓兒及14號莫韻諰。
於1991年參選港姐獲最上鏡小姐的樊亦敏（Amy），早前勁減40磅，當晚將穿上超貼身半透視連身裙，以師姐身份帶領師妹吳幸美、蘇韻姿及現場14名佳麗齊齊獻聲，作為向歷年沒成為三甲、但仍堅持追夢，對演藝界貢獻良多的佳麗們致敬。隨着樊亦敏感性開場白：「每年可以得到港姐后冠只得三位佳麗，但只要大家唔好放棄一齊努力，或者會得到比起后冠更加珍貴嘅獎賞。」接着大會剪輯了多位歷年來沒有奪得三甲的港姐參賽片段，包括趙雅芝、周海媚、邱淑貞、郭可盈、張可頤、陳妙瑛、麥美恩、湯洛雯、陳芷菁、何婉盈及郭少芸，配以一眾佳麗手牽手、互望互勵的畫面，煞是感人。
事後Amy受訪說：「參選港姐前，我好似一張白紙，但參選咗港姐後就眼界大開，選美唔單止係訓練個人，仲係鍛鍊大家同群體一齊成長，蛻變成更成熟更美麗更有智慧。當晚我好感動，無論係唱歌抑或講嗰番說話，我都係真心祝福歷年來所有港姐可以擁有美麗璀璨嘅人生，我好為現場嘅參賽佳麗感到驕傲，大家都好有自信、勇氣同正能量，事隔咁多年唔計較結果、將自己嘅成長同蛻變展現出嚟，好有意義，所以我一聽到就舉手話想參與。」
當晚表現最令人眼前一亮的，分別是現年35歲的2011年參選港姐李天縱，及現年34歲的2007年參選港姐麥皓兒。已為人母的李天縱，不但身形依然弗到漏，更比11年前輕了2公斤。事後李天縱受訪時笑言生完小朋友後，體重一度暴升至60公斤，現已回復至46公斤左右，問到減肥心得，她說：「為咗今次參選，我呢五個月每朝7點開始練習瑜伽。」李天縱指當她得悉有相關比賽，只花一秒時間已決定參選，並謂很感恩終於夢想成真：「人生之中，很少有人能夠失去了，但在若干年後還有重來的機會。我希望通過呢次比賽，展示我不為人知嘅魅力、才藝、努力同堅持。」對於入行以來一直面對的「廣東話發音」問題，李天縱坦言已看開：「我再練十年都會有口音，所以我就不糾結了，我能聽得明白，表達明白就OK了，可能帶口音的廣東話，能帶給觀眾歡樂呢！」
至於參賽期間全程獲男友蔥頭（丘梓謙）支持的麥皓兒，雖然當年的22吋「黃蜂腰」不復再，但依然保持住24吋纖腰。皓兒在台上表示，曾經為了演好師奶角色，一度增磅至145磅，最後與樊亦敏一樣於一年內減掉超過40磅，相當勵志。
談到減肥心得，皓兒笑謂：「我主要做運動、冇乜節食，咁可以更有效提升代謝率，除咗每日做兩至三個鐘帶氧運動，仲額外會做肌肉訓練。」曾是普通話朗誦比賽全港總冠軍、香港傑出中學生、香港傑出少年，及16歲已成為18區歌唱比賽亞軍的皓兒，一度被封「天生比賽狂」，不過對於今次參賽，皓兒起初仍是帶點猶豫，後來竟因皮膚關係獲製作組睇中及支持參選：「佢哋話我啲皮膚好年青喎，都多謝佢哋。」她又感激男友蔥頭給予不少實際支持：「今次我才藝表演係跳唱，我自己練習時，佢有提點我邊啲動作會smooth啲、好睇啲。同埋佢再冇引誘我食嘢，佢係油浸都唔肥嘅類型，之前成日話煮宵夜俾我食。」
