湯洛雯（靚湯）將於年底跟馬國明（馬明）在外地舉行婚禮，近日亦見到靚湯瘦了不少，看來為婚禮做好最後準備！雖然忙着準備婚禮，靚湯與馬明忙裏偷閒到KOL Sue及其家人提早過中秋，Sue在IG貼出合照，可見馬明雙手攬住靚湯，兩人露出Sweet爆笑容，好幸福！
另外，靚湯昨日（18日）在IG上載了到Cafe飲咖啡的照片，並寫上：「最近好多好多好多事情要決定，選擇困難的我，已經練得一身好武功，愉快的忙碌吧！」，馬國明即回覆：「幫緊你……幫緊你……」，不少網民都表示兩人閃到爆：「哈哈好搞笑又好sweet」、「好好笑好幸福」、「靚靚準新娘！期待！」
相片來源︰湯洛雯@Instagram
