馮允謙（Jay）昨晚（26日）在紅館舉行第二場《JAYPOP LIVE@COLISEUM馮允謙演唱會2023》，老闆林建岳、蔡一傑、ANSONBEAN、Jer@MIRROR、徐㴓喬（Asha）和劉沛蘅（Hillary）、洪卓立和肥仔@ERROR均有捧場。
林明禎昨晚擔任表演嘉賓換上全新紅色貼身裙與Jay大跳貼身舞，最後兩人靠近幾乎嘴咀時關燈，令人充滿幻想；而另一位表演嘉賓梁釗峰出場，他們合唱《我好想你》後，釗峰透露與Jay首次約會是一起去欣賞填詞人周耀輝老師的音樂會，而剛才合唱的歌正是他的作品，希望大家喜歡他們的合唱版。釗峰揚言Jay在他我心中很重要：「佢身邊每個人都愛惜、關心和照顧佢，係有原因。幾年前佢生日，我模仿佢錄過嘅一段旋律，唱咗句生日快樂嘅訊息俾佢。正常都係覆一句多謝，最多俾埋心心，但佢唔只俾心心，仲錄返條影片俾我，一齊睇。」
台上熒光幕播出Jay將多謝的說話用英文唱出，釗峰問觀眾：「係咪好sweet？嘩，我好想check吓當時糖尿指數。其實我都好想知喺Jay心目中釗峰係點？有一次拍節目，佢話：『我每次見到釗峰都好開心、好想笑，佢個樣好似Snoopy。』」身旁的Jay搶住說：「真係好似，好可愛，所以我叫佢『Snoopy』！」釗峰無奈地說：「喺Jay心目中我係一隻可愛小狗！」引來全場爆笑。Jay強調：「唔係可愛小狗，係Snoopy，地位係好高㗎！」
Jay更在台上兩度灑淚，當他唱《Days, They’ve Gone Too Soon》時，表示感激父母支持他追夢，說：「Daddy媽咪，我今日夢想成真，雖然我唔係做醫生或者好叻，但我真係好鍾意音樂，多謝你哋俾機會追我嘅夢想。」他邊說邊抹眼淚，除了唱歌還吹奏一段口琴；另外唱《Keep On Fight On》時表示這歌是他在谷底時，歌詞給他很大安慰，唱到一半更忍不住喊，演唱會尾聲，Jay邀請全場觀眾開手機燈，自拍星海大合照，非常壯觀。