馮允謙（Jay Fung）日前拍攝新歌《收到收到》MV，邀請了陳穎欣（Yanny）擔任MV女主角。Jay Fung形容新歌是一首口語化、容易入心的冧歌，他說：「新歌係《報復式浪漫》之後其中一首好sweet嘅情歌，其實我好多歌都好sweet嘅，但呢首就直接啲、易明啲、好口語化、歌詞快啲到心，首歌係代男仔多謝另一半去push自己成為一個 better person。」MV內容以情侶間生活細節為主，Jay Fung飾演的角色，與普天下男士一樣，都是大頭蝦一族，例如去完廁所冇沖廁、用完廁紙未有更換、經常因為工作忘記吃飯、飲水，貼心的女友Yanny，於是將memo紙貼滿家中每一個角落作提示，處處為男友着想。但最搞笑是不懂看中文的Jay Fung，導演要他拿着memo紙露出感恩女友關心的笑容，要旁邊的工作人員翻譯，好讓Jay Fung入戲。
其中一個鏡頭，講兩小口剛起牀摺衫，Jay Fung發現自己對襪穿了一個大窿，於是穿上腳，露出一截腳趾公，迫Yanny聞他的爛襪腳，但怕羞的Jay Fung一直表現尷尷尬尬，原來他擔心伸腳期間會弄傷對方，最後要Yanny講到出口「唔怕啦！你隊埋啲落我塊面。」最後才成功拍攝這個既搞笑又甜蜜的畫面。問Jay Fung與女友間，有沒有因為生活瑣碎事情發生拗撬，他坦言：「都有，例如女朋友煮完飯，想我即刻洗碗，但我想睇一陣電視先，佢會覺得洗咗碗之後可以咩都唔使理，安心睇電視，其實佢咁做，都係為咗我好，而呢首歌，就係想帶出呢個信息，希望大家都鍾意呢首歌。」
Jay Fung續說：「好多情侶，拍咗拖一段時間，可能會有啲拗撬，埋怨另一半叫你去打掃、洗碗、吸塵，甚至催促男朋友幾時求婚？幾時結婚呀？其實有咩唔好，女仔想結婚就係想同對方一生一世，that so sweet，男仔有時會misunderstand或者唔了解，呢首歌係話俾女仔知，其實男仔心裏面係知道，你做咁多嘢係為咗我哋好，多謝你哋。」
