陳慧琳（Kelly）澳門一連兩場《Season 2演唱會》已圓滿結束，演唱會其中一個驚喜，就是馮德倫（Stephen）擔任特別嘉賓，與Kelly合唱。二人先唱過《北極雪》，Stephen表示：「我唔單只好耐冇唱過呢隻歌，我仲要係好耐冇唱過歌。」Kelly即笑言：「聽得出！保持返20年前嗰個水準，都OK嘅。」Stephen說：「你就保持返20年前一樣咁嘅樣，跳舞又冇變過。」難得Stephen擔任嘉賓，他表示應該合唱多首，結果二人再合唱了《紀念日》送給歌迷。
Kelly在個唱上，亦分享了自己的內心世界。她提及在初出道時，因為當時的經理人Paco幫她找了神算子算一算，指紅色最旺Kelly，所以出道時她由宣傳照到出席活動，都是以紅色裝束示人，結果紅足20多年，不過Kelly說：「其實我又唔係好信呢啲嘢，但又會諗返起，如果當年唔係著紅色，今日又輪唔輪到我企喺呢個台呢？又唔知可唔可以再企耐啲呢？」這時台下歌迷尖叫聲不斷，瘋狂叫喊Kelly的名字，看到如此熱烈的反應，Kelly最終忍不住哭起來，並說：「唔知仲可以企多幾多年呢？呢啲都係唔好諗咁多喇，自然啲啦！」
Kelly雖然出盡全力唱到聲沙，但台下反應令Kelly興奮說：「因為終於放監可以食嘢啦！可以食乜嘢都得啦！因為見到我啲衫，真係多啲啲肉都唔得，我而家可以盡情擦返餐飽。」問到是否在台上哭最難忘，Kelly說：「好多都好難忘，因為今次個Show好多新嘅嘢，每一Part都排咗好耐，希望帶啲好嘢俾大家睇，我冇預自己會喊，仲諗住唔會喊㗎啦！但見到咁多Fans支持忽然間有少少感觸。」
