《萬千星輝賀台慶》今晚（19日）舉行，全台近百藝員傾巢而出，一眾花旦小生一如往常行紅地氈，但一班新進女藝人更博老命，谷胸上陣行紅地毯，上屆落選港姐鄧凱文以一襲Deep V落肚臍的晚裝出場，震撼全場。師姐馮盈盈及邵初則另類性感，馮盈盈大曬波邊及波底，連纖腰及玉背都一覽無遺，性感揮低身邊的莊子璇及黃嘉雯，拍照時盈盈自動轉身騷美背，搶盡風頭，馮盈盈表示，「有啲涼，但見大家今日咁熱鬧，最近暖返好多，平時好少著黑色，都想挑戰下，（身材自信？）我之前要狂操背肌，但唔需要刻意減肥，因為作為藝人一直有做身材管理，呢幾日食嘢清淡啲唔落鹽，咁就可以去咗水腫。」相對邵初同樣博到盡，晚裝胸前只有兩條吊帶，再大露背，相當性感，她表示：「公司生日比自己生日重要，故找朋友為她設計戰衣，笑指自己生日都是只穿睡衣。今次嘗試high fashion，但自己的身材不澎湃，笑言要等下世，都做足安全措施，但做大動作就要小心。」
久未露面的吳啟華今晚重返娘家，與視帝黎耀祥行地毯，吳啟華表示難得返TVB，都希望有抽獎運，「以前抽獎一啲運都無，依家都算好少少，如果今晚真係中咗應該唔會拎出嚟，因為都係一個lucky, 或者自己再私下拎出嚟請食嘢。」
更多現場圖輯：
