黃妍（Cath）完成《4891》專輯後，今年推出全新單曲《黃言》，MV昨晚（17日）已經上架，Cath希望大家都要打從心底欣賞自己的好，學懂稱讚自己。為了新歌MV，Cath變身小巴司機，拍攝時更要在街頭奔走，跑到一身汗！
今次黃妍唱《黃言》，她希望從周耀輝的詞作提醒大家，不妨每日都稱讚自己稱讚「我」，別忘記自己的好，就如歌詞裏所言「世界可以坎坷 祝我隨時讚我」。其實「讚我」這句歌詞，是Cath的口頭禪，她常常會為一些小事情，要朋友、工作人員稱讚自己，「例如嗰一日個妝化得好好，我都會同人講『係咪好叻呀？讚我吖！』，但她其實都會常常稱讚自己，「自信心低嘅時候就會讚自己，例如清潔完屋企，會讚執得個屋企幾乾淨吖！又或者寫完一首歌，覺得幾好聽，就會讚自己寫得好聽。」
「讚我」可以好微不足道，但換來卻是垂手可得的快樂，所以今次MV裏面出現了3個女生，她們在最普通的生活日常裏，為自己打氣，當中包括dancer、宅女，還有小薯茄的童童所扮演的OL。童童飾演的OL，如一般打工仔，朝早追小巴趕返工，返工做到一肚氣，lunch time就去公園食件三文治唞唞氣，欣賞為生活打拚的自己，而Cath在MV中，就充當為大家打氣的使者，把大家拉在一起，開懷起舞。
Cath與童童，以及分別飾演dancer及宅女的Zoe及丁丁，特地於清晨時分，在街頭拍攝快樂奔跑的畫面，沒想到短短幾秒鏡頭，卻要NG多次，Cath就解釋：「我哋跑咗好多轉，因為要就角度又要交戲，所以唔只我哋，連crew都要模擬跑，結果條街不停有人喺度跑，大家都做咗一日運動量，但好好笑、好好玩！」至於另一個shot，Cath則搖身一變成了小巴司機，Cath笑說：「之前喺《哀傷的作者》MV就扮的士司機揸的士，今次就扮小巴司機，不過我依然係冇車牌嘅，只係坐喺度撳開閂門掣，但我有同導演講，下次不如揸巴士，可以儲齊一套，哈哈！」
除了Cath以外，童童都十分開心可以在紅Van上演戲，「未試過有紅Van全日為自己同埋crew服務，叫司機幫忙做乜就做乜，係一個全新體驗！」今次與Cath首度合作，童童就表示：「之前有見過面，但第一次合作拍嘢，覺得Cath係一個直率坦誠，好可愛嘅女仔，所以好開心可以合作。《黃言》係好有正能量嘅歌，好似Cath一樣，希望大家都聽多啲啦！」
