43歲的黃翠如和47歲的蕭正楠於2018年結婚，翌年在峇里補辦婚宴，今年是兩人結婚六周年，日前黃翠如和蕭正楠終在社交平台宣布「BB來了」，黃翠如更驚爆曾經歷小產，今日蕭正楠現身台慶行紅地毯時，被在場人士連聲恭喜，他說：「我都好開心可以同大家講，終於放下心頭大石，今日返嚟都收到好多祝福，消息方面就平伏了，但每日都依然好似坐過山車一樣，有時侯太太安靜少少，都會擔心發生咩事，不過太太暫時無咩孕吐問題，但態度方面比起之前對我更加尊重，之前真係太卑微，不過我已經準備做香港男傭，任勞任怨，因為呢段時間她很多動作都不能做，總之有咩都交俾我做，現在每朝起身都要開始打點她的飲食。其實今次懷孕我哋無特別去諗，係上天俾我哋，當我知道一刻心情真係好難去形容，希望出年順利，可以做爸爸，係我2025年心願。」至於太太走出小產陰影未？「無特別提，始終係傷心事，我哋都用咗好長時間行出嚟，今次真係喜出望外，因為太太肚都遮唔到，咁我哋都好尊重BB ，所以有問肚中BB意見，問佢準備好介紹俾大家認識未？想，就踢我一腳，結果佢係好大腳踢我，所以就揀咗個日子去公布，現在每日一步一驚心，但都盡量平靜面對，但都好大壓力。」
