港產龍鳳胎大熊貓「家姐」和「細佬」為準備2月16日正式公開跟大家見面，趁着家姐和細佬在外場熟習環境，香港海洋公園連日安排了不少名人藝人到場，率先跟家姐和細佬見面，熊黛林、鍾鎮濤、蕭正楠和黃翠如、車婉婉、梁詠琪、曾比特、楊潮凱、傅明憲、胡定欣、薛家燕等人，都在社交網分享見兩個小可愛的照片和片段。
已懷胎7個月的翠如，孕媽媽看着5個月大的龍鳳胎，畫面超溫馨，其中一隻寶貝跟翠如面對面只隔了一個透明幕牆，小寶貝更伸手跟翠如打招呼。翠如留言：「記得那天看新聞，知道盈盈和樂樂有咗BB，我哋兩個聽得有啲激動。今日終於可以嚟見你哋，好幸福的感覺。希望家姐細佬都俾啲祝福我哋，感謝所有安排，好幸福」。
翠如在片中細心跟網民分辨龍鳳胎說，因兩個太似樣，所以細佬個背脊有個粉紅色的一點作記號。阿蕭表示第一次睇熊貓，更戥細佬慘慘豬：「細佬俾人蝦呀，細佬俾人㧬咗落棵樹，家姐依家瞓返落佢專長嘅位置。」
至於熊黛林跟老公帶一對孖女來看龍鳳胎，留言：「孖寶來探孖寶啦！四小隻都好可愛！」；楊潮凱帶着一對子女，表示帶家姐細佬來看家姐細佬，穿上熊貓外套的細仔雞蛋仔都是8月出世，笑指：「所以佢都化身熊貓同家姐細佬相認」。
