黎諾懿、林盛斌、戴祖儀（Joey）、肥媽、陸浩明以及李家鼎等今日出席《疫境廚神秋冬盛宴》錄影，諾懿透露邀請了100名素人參賽者參與，他在第一集亦大顯身手，示範了一道「葱爆蟶子」，「當日煮嘅時候個效果都幾靚，啲火升到幾層樓高，因為我比平時加多咗一殼油，所以個火超勁，但我又要扮冇嘢，其實好驚，驚燒到上面啲機器。」 而Joey表示廚藝未到家，故在節目中毋須動手，只負責食，「係為咗大家生命着想，我今輯學吓嘢先，下輯應該難逃一劫。」諾懿笑說：「幸福嘅人先可以咁，好似我太太都唔識煮嘢食。」Joey表示希望找個擅長烹飪的對象，「識煮嘢食會加分，但依家科技發達，外賣都OK。而且我今次拍攝都學到嘢，經過呢個節目，我學識煮好多嘢。」