黎諾懿陳自瑤辯論出軌睇法 羅子溢賴慰玲探討離婚對小朋友影響

婚後事四主演上節目大談拍攝花絮。

《婚後事》主演羅子溢、陳自瑤（Yoyo）、賴慰玲（Winki）和黎諾懿擔作客今晚（21日）播出的《Mayanne小喇叭》，大談拍攝花絮。當中必談的是諾懿親身上陣露股一幕，並大爆「神之籮柚」練成過程。他笑說：「我本身都真係咁fit，並冇特登去夾佢，我為咗呢場戲Keep住做深蹲！」諾懿更拋下豪語：「一係唔露，一露就應該去盡佢。」

親身上陣露股嘅諾懿大爆如何練成「神之籮柚」。

講到諾懿與Winki的「鴛鴦戲水」場口，Winki笑言該場戲自己的心理狀態是「由頭驚到落尾」，並透露上身真空上陣、下身只穿一條短褲打底，皆因熱水累事。Winki說：「我纏咗好多膠紙，但我又話好驚凍，佢哋（工作人員）就幫我倒熱水落去，咁啲水咁熱啲膠紙咪溶咯，但又趕住喎，咁我咪就咁遮住（心口）咯。但因為我好驚走光，黎總就係咁幫我打泡遮住，佢拎住筲箕喺水底係咁chok啲泡出嚟！」搞鬼的諾懿即場重現當時動作，並笑言自己「連道具都撈得很好」。

Winki大爆「鴛鴦戲水」嘅幕後花絮及趣事。

四人還討論了大量情景題，當中包括男女對精神出軌及肉體出軌的不同看法，更延伸討論至劇中Yoyo質問子溢「你同我上牀嘅時候有冇諗起佢（第三者）」一幕，子溢搞笑引用網民回應：「使唔使開埋個腦俾你睇呀」，瞬即引發全場爆笑，諾懿更加入戰團與Yoyo及Winki進行正反辯論。

+3

子溢大拋金句，Yoyoy亦有自己體會。