30歲關嘉敏（Carman）在無綫新劇《奔跑吧！勇敢的女人們》飾演70歲鄧英敏的小三，當中二人有一場激咀戲，Carman受訪時表示：「第一個熒幕初吻俾咗丁子朗，第二個就係英敏哥，我完全冇諗過入咗嚟TVB 3年，已經可以咁快同兩個年齡層嘅人有親熱戲。」Carman坦言拍攝場口確實需要勇氣：「我同自己爸爸都未試過錫嘴，加上又要同前輩做呢件事，所以真係唔夠膽。」Carman又大讚英敏哥是好前輩：「佢好好，係咁帶住我。（NG咗幾多次？）都有5、6次，因為有時要就機位，有時就感覺我唔夠『狼死』咁。」
至於鄧智堅在劇中飾演公關強人兼洛澄（賴慰玲飾演）經理人，對洛澄在公在私亦是百分百照顧和關心，獲封「深情直男」。是次亦是堅仔首度在劇集挑戰感情戲，其中一幕講述他得悉洛澄原來是丁丁（蕭正楠飾）第三者後致電洛澄，盡是失落與柔情交集的眼神、配以一抹的苦笑，令人看得心酸。
智堅訪問時透露與阿賴原來是首度合作，但幸好二人私下相識超過十年，故能在安心又互相信任的情況下拍攝感情戲：「但因為我哋始終係第一次合作，所以事前都有約佢打網球，一來劇中有打網球情節，二來可以討論吓角色。」智堅不忘補充，與阿賴的老公認識日子更久：「我連佢老公都認識超過20年，所以充滿信任。」對在劇中先後被程可為及蕭正楠取笑矮小，智堅坦言零介意：「劇本係有形容我個角色係矮嘅，所以選角方面我機會就大好多。同埋其他角色成日提住我矮，反而令觀眾對我角色深刻，OK喎！」
