姜濤今天（30日）24歲生日，6500名姜糖在科學園參加慈善步行活動慶祝姜濤誕，壽星仔突然驚喜現身，令大批姜糖陷入瘋狂狀態。姜濤感性分享生日感言，並感謝大家為他籌辦生日會，「由細到大未試過咁多人幫我慶祝生日，以往雖然大家都有幫我過生日，但好似第一次用咁嘅形式。他又指今天凌晨6點多才收工，但他覺得大家為自己籌備這麼有意義的活動，就算多累都要來。
姜濤又透露自己的生日願望，他希望每一年支持自己的粉絲都可以一切順利。他感慨表示沒想到今年年頭發生這麼多事之後，粉絲仍一直支持他。他坦言有心理準備，「其實我可能需要重新嚟過，我俾自己心態，就算你哋有啲人可能因為一啲事，而唔支持我﹑離開我，我話如果呀，我都唔會唔開心，因為確實係自己喺好多事情方面，冇令你哋更驕傲，但你哋仲喺度，我好多謝你哋。」
姜濤盼與大家團結一起進步，希望各自人生道路上可以找到進步方向，「因為冇人係完美嘅，even好多人覺得我好好，但我唔係咁好嘅人，我想話畀大家知，我都好需要去進步。」他直言並不想粉絲生活入面，完全將他送在第一位，而是將自己放在第一位，「多啲照顧自己，因為我每次見你哋通宵排隊，我都會覺得…唔知點講，我希望大家將我變成一個可能心目中大家嘅小朋友咁樣，一齊睇住佢大。」
他又特別說若自己有任何不足的地方，希望大家多作指教及批評，「因為我唔希望生活一個比較讚美環境入面，我一直提醒自己，無論讚美或批評都勇於接受，所以希望大家提點我教我，我都會用我學到嘅嘢教返大家。點樣都好，多謝今日嚟支持我嘅人，亦多謝呢上半年所有支持我嘅人，因為你哋提點及批評，令我變得更加好。無論大家最後支唔支持我都好，都希望大家心目中曾有一個叫姜濤嘅人出現，有開心過就足夠。」
圖片來源：明報