Twins近日於內地展開14場巡唱，蔡卓妍（阿Sa）與鍾欣潼（阿嬌）都為了演出努力操練，練到獲讚「重返顏值巔峰」。阿Sa在剛完成第8場成都站的演出後，表示終於可以小休一會，這段時間她除了去補祝經理人霍汶希生日，及捧偶像郭富城的紅館騷外，還去了一個海天一色的地方休息，今午（27日）在社交網大派福利，貼上多張靚爆比堅尼照。
阿Sa留言：「練兵千日，用在一時！#咁辛苦keepfit #就係為咗有個summerbody #留倩影 #老咗可以睇返 #曾經都fit過 #2024年夏」，睇到網民嘩嘩聲，好姊妹容祖兒第一時間大讚：「人靚衫靚景靚水靚」，關智斌就話：「我都要post一張挑戰你個summer body先！」曾樂彤亦謂：「不得了不得了」，周家怡更笑指：「流鼻血」！
41歲的阿Sa不單凍齡，連身材都似少女般，偏瘦的她為開騷既節食又做Gym，得以保持這好身段。
