關心妍（Jade）每年都會為《明周》拍攝賀年相，囡囡心心（楊榮心）轉眼已8歲，長高不少外，臉頰的小酒窩更愈來愈明顯，加上一對笑起來彎彎的月亮眼，變身成為小美女。
這幾年新年，Jade都會母女檔下廚、剪紙藝、寫揮春佈置家居，而喜歡做勞作的心心，今年和媽咪製作金蛇擺設佈置，Jade說：「每年新年都同心心佈置屋企，雖然心心都8歲喇，但仲係好雀躍，佢會同我做勞作，所以我都好珍惜呢啲親子時間。」
今年除了賀年食品外，Jade一家亦十分喜歡吃水果，過年時會準備健康果盆，招呼來拜年的親朋好友，「新年除咗蘿蔔糕同煎炸嘢，都想整啲健康又得意又可以應節食物，心心就提議用水果整條蛇出嚟，佢都幾有創意，整出嚟幾得意！」
最後兩母女夾手夾腳佈置，今年心心長高不少，Jade抱起她時已有點吃力，最後心心還祝各位小朋友「學業進步、身體健康」，Jade就祝福大家「喜樂平安」。