黃秋生、陳淑儀、朱栢康主演的舞台劇《ART呃》於昨日完滿落幕。完場時，一眾台前幕後工作人員上台謝幕，亦襯這個機會，與觀眾一齊祝賀將「登六」的黃秋生。
黃秋生在台上談及今次演出的感受，他說︰「表演要有三大元素，有演出者、製作團隊，第二就係場地，第三就係觀眾。一個好嘅演出要有一個好嘅製作團隊，好嘅演出地方，呢度係我嘅聖殿，還有一班好的觀眾。」
曾說過今年是告別，明年是復出的秋生，對於今次演出既享受又不捨，百感交集，他感觸的說︰「咁多不穩定嘅因素同不可控嘅因素下，呢個戲隔咗兩年，因為各種原因先至可以演出，演出時最先話7成入座，之後到8成半，咁嘅環境究竟有冇人睇戲呢？我真係冇乜信心，但呢十幾場觀眾話我聽，我係可以繼續落去，多謝大家！」之後黃秋生邀請
在座的觀眾來張大合照，他還說︰「我過兩日生日『登六』。」全場即報以歡呼及掌聲。
《ART呃》慶功宴上，大家還預祝將於本周四（9月2日）60歲生日的秋生，唱生日歌及送上蛋糕預祝。朱栢康、陳淑儀上前祝賀秋生時，冷不防熱情的朱栢康，攬住大師兄黃秋生吻賀，現場氣氛更高漲，而秋生的生日願望是身體健康。
