由風車草劇團主辦，風車草黑心喜劇《Di-Dar音樂劇場》，於昨晚（9日）起假葵青劇院演藝廳公演，並於8月29日起移師香港演藝學院歌劇院繼續演出，劇團主腦梁祖堯、湯駿業（AhDee）、邵美君、首度夥拍葛民輝、岑珈其、何洛瑤（Sica）、鄧家杰（KaKit）、杜曦駿（Larry）、胡麗英（Grace）及梁浩邦一同演出。
梁祖堯在劇中飾演法科師傅，指今次有殯儀顧問的參與，所以不論在破地獄、演繹南音時都受到專業訓練，完全真做，而因為今次劇場公演日子撞正農曆七月，為求安心，他們在入台時亦做足準備功夫，阿祖道：「平時我哋都只係拜神斬燒豬，但今次我哋入台第一日都有拜四角，而殯儀顧問傑叔亦俾晒符我哋傍身。傑叔仲好好，話我演法科師傅，可以著佢平時嘅道士袍唔使特登買，但戲服就唔使咁真，我請負責服裝嘅同事幫手買過新嘅。」其實今次《Di-Dar》為了要營造氣氛，今次在燈光運用上都比平時多三倍，數量跟演唱會不相伯仲，AhDee與阿祖身為導演，都跟進到底，所以公演前一晚與燈光同事通宵達旦處理細節問題，但也毫無怨言。
除了殯儀業的故事，今次《Di-Dar》亦加插了連場歌舞，當中一場Medley更長達20分鐘，向來甚少跳舞的阿葛都表示獲益良多，阿葛表示：「我今次都學咗好多嘢，例如破地獄嘅穿步，又或者係跳唱，樣樣認真學。同埋我都被一班年青人感動，好似Sica，我睇住佢兩個月內學曉側手翻，認真進步神速。」
Sica亦表示這次演出令她成長不少，她說：「好似講對白，糾正我好多懶音，因為現場冇字幕，就要講得好清楚。」至於在6年前演過電視劇《教束》後揚言不再飾演學生角色，但今次重操故業的珈其則表示：「已經34歲，都唔諗住再做學生，嗰陣做《教束》都話唔再做㗎喇，老喇！但風車草幾位演員同我講完個故仔之後，發現原來都係OK喎，呢個學生做得過，想知點解，入嚟睇就明㗎喇！」