鄭裕玲（Do姐）主持的《去邊啊Do姐》今晚（18日）獨自遊新加坡享受「me time」。原來Do姐對新加坡有特別的感情，因為人生第一次乘坐飛機就是前往新加坡，之後都是為工作，拍攝旅遊節目倒是第一次。
難得重訪新加坡，Do姐當然乘坐最豪華的頭等機位，並預訂了頭等乘客尊享的免費新加坡本地遊。導賞團安排了邊車（side car）讓Do姐輕輕鬆鬆暢遊新加坡市區，有專人開車，坐在電單車邊上，Do姐自言「好似羅賓咁」。Do姐戴上黑超，在邊車上馳騁新加坡著名F1賽車賽道、阿拉伯街等打卡位，連汽車入不到的橫街窄巷都可以坐車遊覽，認真瀟洒。
Do姐又「試玩」當地一間「密室逃脫」式高級料理，餐廳內的食物已非常搞鬼，不過最特別的是餐廳設計，要Do姐偵探上身，每食一道菜都要根據線索尋找下一關卡，佈置上迷離又夢幻，Do姐都玩得十分投入，其中一關更玩到趴低「捐」過窄門。食過午飯，Do姐又去嘗試新興運動「擲斧頭」，看似都幾危險，不過亦難不到Do姐，就算擲不中，擺起pose來都好有姿勢。
