Edan呂爵安上月尾solo演唱會後，是非不斷，繼公開回應hater言論，忍不住發表千字文反擊，結果惹來更多反彈，網友隨即翻舊帳，連兩年前與港大女友分手時，疑似Edan出軌撩女的情慾對話都再度翻出，全城花生。
有讀者向本刊爆料，就在Edan寫出惹火千字文後，其前度Stephanie亦開火，在IG發文直指「企係（喺）高牆嘅一方 憑咩講啞忍 憑咩講硬食」，句句有骨。知情人士更提供Edan與前度當年在港大校園的親密攬相，可惜如今再見不是朋友。
繼Jer柳應廷、教主Anson Lo、姜濤後，Edan呂爵安上月尾連開三場亞博騷，不過頭場Edan在台上的「棟篤笑」環節，將唔少隊友「擺上枱」之餘，重提對姜濤「舉中指」事件，自嘲「中指處理器」，最後更模仿「私追」場面，Edan在短片中現身銅鑼灣街頭高舉「姜」字牌，被大雨淋到成身濕的Edan搞笑說：「姜濤乞人憎呀！」
這一幕幕的模仿搞笑環節，雖然在之後兩晚演出已經刪減了「私追」一幕，但其實頭場即晚已惹來很多姜糖不滿。說到忽然腰斬內容，Edan完騷時回應：「我最緊要想大家鍾意，如果真係拖慢咗節奏，cut咗佢係好事，個騷好睇咗係開心。」
到了上周二（29日）Edan在IG連環出story，公開網民hater的dm對話截圖，卻反被指小家兼無品，之後Edan寫下千字長文反擊，直指「藝人都係人，藝人都會有感受，但個世界好似禁止咗藝人有感受/表達感受。」更反駁hater「我唔認同做藝人就要啞忍、就要硬食，我相信只要你唔係發脾氣，你有道理，你有禮貌地表達，總有明白事理嘅人係會明白你係會支持你。」至於慘遭拖落水的姜濤，之後在社交平台大氣回應，「謝謝大家最近對我的關心，我也接受了某些人道歉。我們可以對很多事情一笑置之，但希望我們在做任何事情之前都三思而後行。」
情慾對話再度翻出
姜濤大人有大量原諒，不過網友依然唔放過Edan的千字文，有網民更將Edan的舊情史翻出，重po兩年前他與港大女友Stephanie分手的新聞外，更將當時有人po出疑似Edan在拍拖期間撩女的私訊。當時有人po出一個有Edan頭像的「edanlui」對話截圖，內容對話相當大膽，「edanlui」在對話中邀女方做SP（性伴侶），更露骨地表示「想磨下！」疑似Edan的情慾對話曝光，當時Edan為免事件繼續發酵，隨即在IG限時動態回應，「知道有關自己嘅事情被討論中，私人同過去嘅感情事我認為我唔應該作出任何澄清或回應，因為我唔希望會影響任何人；希望大家俾多啲空間事件中嘅人，停止對佢（or佢哋）嘅騷擾。我自己亦會繼續專注喺我嘅工作上，感謝大家。」而前度Stephanie亦有在社交平台回應，「要講嘅佢講曬（晒），其實各自開始咗新生活，唔希望再有人專登嚟提起，未來見一個del一個。」
兩年後的今天，各自有各自新生活，不過Stephanie對Edan發表的言論依然上心，就在Edan千字文發表後，Stephanie亦在IG發文，「企係（喺）高牆嘅一方 憑咩講啞忍 憑咩講硬食」、「大義凜然講大道理 說話本身冇問題 但欺壓人嘅一方講呢番說話 真係好諷刺」，不留情面開拖反擊舊愛的「啞忍論」。有知情人士向本刊透露，「Stephanie性格一向有嗰句講嗰句，當年佢同Edan分手的確係男方做咗對唔住佢嘅事，仲要唔只一次，Stephanie忍咗好耐先提出分手，之前亦都有俾過機會對方！不過依家Stephanie生活好好，已經訂咗婚，今年初辭咗Viu業務部份工，去咗加拿大一間私人銀行度做，佢喺加拿大好開心！」
知情人士更向本刊提供當年Edan與Stephanie在港大的親密攬腰相片，這幾張相片截圖來自港大孫志新堂新生註冊日的宣傳片，兩分多鐘的短片內，Edan幾乎做晒主角頻頻出鏡，玩吹波波「裝胸」放在自己身上氹女友，兩人又互相篤穿水波濕晒身，最後Stephanie更從後攬實Edan，場面幾咁sweet，可惜此情不再，兩人分手後再見不是朋友。
Edan千字文風波後，本周三（6日）首次現身出席活動，受訪時表示寫千字文並非為發洩，「善意我會接受，但唔只我、隊友都有好多匪夷所思誇張嘅言論，希望社會氣氛開心，造人處事都開心啲！」問到姜濤接受了「某些人的道歉」，Edan則說：「我有講唔好意思，唔知仲有邊個講，因為唔想影響佢，我知好難令社會每個人咁做，希望用生命影響生命。」
