唱作女子組合Beanies成員之一的陳樂頤Geor（阿左），繼今年5月推出了創作歌曲《中二式戀愛》，近日再推出最新solo作品《從天際破滅找到祝福》，同樣是Geor親自作曲，請來容兆霆（Stanley）填詞，Chick Chan編曲及Chick Chan與Yam監製。
Geor今年家中有一位至親離世，令她有想法去寫一首鼓勵人的歌曲，「我人生最唔開心時候，身邊有好多朋友撐住我，朋友、同事、家人編咗個更表，肯定我無時無刻都有人陪住。」因為身邊的愛，令Geor深受感動，因而寫了《從天際破滅找到祝福》這首歌，「除咗想多謝佢哋嘅陪伴，都想透過呢首歌帶啲信息俾大家，如果你處於人生低潮，或者遇到挫折，唔好忘記身邊其實有好多人擁抱緊你。」
因為經歷過傷痛，令Geor莫名地多了一份使命感，「所以今次呢首歌，再唔係分享自己經歷咁簡單，係想透過歌曲帶一點點影響力俾大家，正如我介紹歌曲的文案所講『危難當前既然避免不過，與其將痛楚放大，不如學識從旁尋找美好』。」
有跳傘的想法，原來是Geor收到填詞人Stanley為新歌命名而出現，Geor說：「《從天際破滅找到祝福》令我覺得呢首歌嘅MV，一定要有我喺天上飛嘅畫面。」除此之外，另一個最大的原因，是因為Geor家中至親離世的關係，「今年初，個天俾咗個好大考驗我，係一場痛苦嘅離別。因為呢段經歷，我覺得呢個世界已經冇嘢會難到我，所以我飛咗去澳洲，感受一吓最貼近天空嘅感覺係點樣！不知不覺多咗個小習慣，就係成日都會望向天空，諗吓佢依家過成點。」
至於拍MV有沒有趣事或難忘事？Geor表示原本在澳洲拍了好多片段，回港後交給好朋友雨橋剪輯成MV，「點知佢發現將我有嘅片段剪埋一齊後，實在太似National Geographic紀錄片，因為我影咗好多動物，反而好少影自己，所以佢決定喺南丫島幫我補拍。」計劃往往趕不上變化，當Geor與雨橋擇日去南丫島拍攝當日，一抵達目的地，天文台宣布紅雨，雖然天氣不似預期，幸好最後都拍攝順利！
