陳卓賢（Ian）@MIRROR 2023年首支派台作品《再見寧靜海》，首度找來黃偉文（Wyman）合作， MV更有顏卓靈（Cherry）參與演出。
這次是Ian與Wyman首度合作， Ian說：「有幸邀請到Wyman寫詞，佢嘅故事、歌詞，喺我第一日收到嘅時候一路聽住自己嘅Demo，再反覆睇咗幾次歌詞已經即刻鼻酸酸。」、「當初同Wyman講過想係1969年岩士唐登陸月球嘅故事。喺登陸月球返回地球後，岩士唐有可能想再上去，但就好似世事，有陣時你想做到，你理想係咁，但你未必做到。岩士唐之後都未必可以上得返月球，會有好多遺憾。」在今次新歌MV中，Ian與Cherry輪流爆喊，其中Ian更是罕有地變成喊包，他坦言這次可是真情流露：「由細到大都甚少喊。細個我好硬頸、好曳，屬ADHD（注意力不足過動症），但以前屋企人冇正視呢樣嘢，只覺得小朋友曳，就要打，但我被打時依舊好硬頸，喊都唔喊，郁都唔郁；一句話都唔講，由佢哋繼續打，打到佢哋攰為止都唔會道歉。大個咗之後都唔會俾自己情緒外露，情緒一湧上嚟就會自然㩒返落去。」
Ian更表示拍攝MV時碰上拍劇的日子，結果要連踩40小時，通宵拍劇後即趕到MV現場開工，攰到轉Location時也不自禁在車上睡著，落車時人未醒有點企不穩更差點跌低，Ian回想道：「好彩隔離有人挨落去，如果唔係就跌落地。係有幾個Moment會不自控想休息，但過程中唔覺得好攰，好投入、享受件事就冇咗嗰種攰嘅感覺。導演知道我開完大通宵後仲要過嚟拍MV有啲擔心，因為今次演繹上嘅考驗比較高，會擔心唔夠休息得唔得㗎？ 但最後都好順利，全部都係一Take就完成導演要求，所以好開心好好玩。」
