黎耀祥、龔嘉欣、丁子朗、孔德賢、倪嘉雯、袁文傑等今日（14日）出席新劇《香港探秘地圖》造型及拜神，丁子朗在劇中飾演導演角色，他說演繹雖然有難度，都不及溝姐姐難度高，「今次真係有難度挑戰，因為要溝姐姐，劇中講我要溝龔嘉欣，自己第一套劇已經同她合作，所以再合作都好開心，今次又可以同祥哥（黎耀祥）合作，我想知可以喺佢身上學到咩，我當自己上咗一堂免費演藝課程，真係好抵。」
回復演員身份，問到他係咪唔唱歌，專心做返演員？「係專心做演員，但都會繼續唱歌，咩都撈吓囉，希望有機會出歌，但都要睇觀眾的反應。」對於有指TVB打算自組男團，丁子朗更是內定其中一員，「暫時唔知，都係你哋問我先知，一切隨緣啦，因為內地嗰隊（Loong 9）都巡唱中，有好多活動，可能地區性問題，香港代表不太方便參與，咁香港搞返隊都係好事，但有咩人組團我就唔敢講，不過內地巡唱有邀請我哋做嘉賓，都好搞笑，都要度期先知去唔去到。」
更多現場圖輯：