男團MIRROR人氣高企，廣告接不停，近期的連鎖快餐店的推出「鏡仔卡」，掀起儲卡熱潮。昨日（17日）亞洲電視突然在社交網貼出「ATV男星限量版閃卡」，以昔日亞視劇集男星劇照加上炸雞相製成閃卡，跟MIRROR的「鏡仔卡」似到十足。首先登場的有秦沛、羅樂林、劉永和潘志文，而第二輪則有陳展鵬、林韋辰、袁文傑上陣，當中陳展鵬的《暴風型警》手中的槍變成炸雞，相當搞鬼！
今日（18日）亞視推出第三輪閃卡，有亞視一哥陳啟泰、劇集《我和殭屍有個約會》的尹天照、盧海鵬和劉錫賢，網民大讚亞視有創意，又跪求加推「江B」江圖、被指跟Anson Lo撞樣的張立基、杜汶澤、陳庭威、何家勁、呂頌賢以及甄子丹的閃卡，「甄子丹其實都值得有一張，建議精武門手持雙節棍造型變炸雞」；而網民更希望出女神卡，包括亞姐宮雪花、「亞視一姐」薛影儀、《我和殭屍有個約會》長腿女神萬綺雯等。
陳展鵬今日出席活動時，被問及舊公司出「限量版閃卡」，煎Pan表示：「幾好玩，最緊要開心，作為藝人都係想帶開心畀大家，抽水大家都會，只要大家抽得開心。（你介唔介意？）我唔介意，其實有一段時間我對呢啲事都好着緊，但依家唔會咁認真，其實我係好玩得嘅人，近幾年有咁多我嘅新聞，我都係笑臉迎人，尤其是呢幾年發生咁多事大家都應該包容多啲。希望佢哋送一套閃卡畀我，如果推出收到嘅錢係用嚟做慈善就最好，幫自己就唔係咁好。」
