Patrick Sir：「呢段日子，你知唔知爹哋最享受嘅係咩？就係可以每日期待你一望到我嘅時候，就展現可愛嘅笑容；每日抱起你嘅時候，手臂又要出多一點力；每日同你傾偈嘅時候，努力去解讀你想講咩；每次你發出聲音，都好專心聽實係咪媽咪或爹哋；每日抱住你喺我胸口瞓著覺嘅時候，不停聞住你陣味，尤其陣汗味，仲有啲聞到上咗癮；每日同你洗頭沖涼嘅時候，諗吓點樣整蠱你；每日錫你面珠燈嘅時候，盡量唔好俾媽咪見到，費時佢話我個嘴咁污糟做乜錫BB。但係其實最期待嘅，始終都係希望你健健康康過每一天！我哋冇幫你搞百日宴，但係就幫你安排咗今日呢個「百日影」！」