Cheronna首次與李健宏合作，拍攝對方製作的旅遊節目《玩X爆泰國》，節目中，KB繼續發揮喪玩本色，走訪多個泰國地方「搞搞震」，二人於當地欣賞人妖騷後，興之所至，竟然踩入「人妖學校」學做人妖，與當地人妖近距離接觸，最後更要「變裝」做人妖騷。Cheronna表示︰「我哋睇完表演後，就要去學校，穿著佢哋啲衫跟住模仿個騷表演唱跳。我以前見過人妖表演，但今次係去佢哋間學校睇佢哋台上表演，特別去學如何婀娜多姿，係好開心。」
Cheronna大讚人妖舉手投足都很女性化，「近距離見佢哋，覺得仲靚過女人，我作為女人覺得自己好麻甩，反而佢哋食嘢斯文，一啲小動作都靚過好多女人。」提到與KB一起「人妖初體驗」，Cheronna表示︰「我同KB都化咗妝，係人妖幫我哋化，其實都好辛苦，因為我哋學埋古裝，戴好重假髮，真係唔簡單。」