《未來音樂選 TONE Music Awards 2023 頒獎典禮》昨日（28日）假九龍灣國際展貿中心Rotunda 2舉行。作為年度音樂盛事，多個候選單位及演出嘉賓亦到場支持，包括：Billy Choi（蔡承恩）、Ernest Poon（潘宗孝）、Instinct of Sight、Jason Kui、R.O.O.T、Pandora、per se、ToNick、The Hertz、Kendy Suen、KOLOR、乙女新夢、王嘉儀、立秋、吳林峰、逆流、徐嘉蔚、摩四青年、麗英及Sinnie Ng等，另外，大會更邀得殿堂級音樂人泰迪羅賓、舒文、劉以達、Phat@24HERBS、盧巧音及卓韻芝等擔任頒獎嘉賓。
大會率先頒發由UNISON十間大學樂隊學會及音樂學會共同選出的「UNISON 年度之選」，Pandora憑《安全距離》先拔頭籌，緊接由KOLOR憑《52赫茲》獲頒「TONE Music x UNISON 聯頒大獎 – 香港音樂年度大獎 第一位」。per se憑《在生》獲頒「未來音樂選 – 香港音樂年度十大 第八位」於台上發表得獎感言時，說：「希望大家聽到呢首歌嗰陣，都可以feel alive。」
游學修與Ernest的男子組合N9，亦憑日文歌《二泊三日》獲得「未來音樂選 – 香港音樂年度十大 第七位」，游學修正在加拿大未能出席，Ernest於台上發表感言時，笑指大會未有安排得獎歌手獻唱：「佢哋話因為唔係預先知會賽果，所以準備唔到MMO畀我哋唱，但係冇MMO我都可以唱㗎，我哋係專業歌手嚟㗎嘛，有冇準備都唱到，除非你唔係專業啦！」他隨即清唱幾句《二泊三日》，台下再次掌聲雷動。Ernest於後台受訪時感謝投票的朋友及狗仔粉（N9 Fans專屬稱呼），指這是N9首個音樂獎：「多謝TONE Music畀呢個好開始我哋，冇獎，我哋就冇嘢撈㗎啦。」他透露N9將再推K-Pop風格的新歌，問到可會與阿修慶祝？他說：「我會通知阿修攞咗獎，不過慶唔慶祝就睇吓佢身體狀況啦，佢Chur到爆，因為佢唔係得歌手身份，仲有老闆身份同男朋友身份嘛。」
The Hertz憑《命之道》及《未世情書》分別奪得「香港搖滾音樂 ROCK – 最佳年度單曲」及「未來音樂選 – 香港音樂年度十大 第六位」，是首次奪得音樂獎。他們笑言不知道有沒有下次，因此要把握機會感謝團隊、朋友及家人：「任何類型嘅音樂都好重要，我先可以吸收呢個養份，繼續造音樂。」陳健安的《繼續繼續》奪得「未來音樂選 – 香港音樂年度十大 第四位」，正為舞台劇演出的他，雖然未有親身到場領獎，但亦拍片感謝樂迷支持：「造呢首歌嗰陣，自己有啲寂寞感，首歌出咗收到好多DM，話首歌陪伴咗佢哋，其實亦係陪伴緊我，造音樂就係互相陪伴。」
Billy Choi的《柴灣街角》及《Sorry呢度係香港》分別奪得「未來音樂選 – 香港音樂年度十大」的第三位及第一位，他與創作團隊齊齊上台攞獎並分享《Sorry呢度係香港》的創作靈感——以音樂紀錄這一代的香港人。Billy Choi表示歌詞原本提及民生及社會問題等：「係有日一丁（監製）同我講，『Sorry呢度係香港』我先有呢個名。我真係冇諗過首歌會攞獎！」身旁的一丁又透露他們為了慳錢，在一丁的睡房錄音：「主流嗰度好多錢，好多時仲係嘥添㗎！我都有做主流，喺嗰度賺完，呢度用返，你哋唔好笑呀！我唔想㗎！最好就係呢度都賺到，可以俾我哋造更多音樂。」
而KOLOR指奪得「TONE Music x UNISON 聯頒大獎 – 香港音樂年度大獎 第一位」別具意義：「真係大學生一人一票選出嚟！」他們與ToNick又於台上為樂迷預告好消息，透露2025年TONICKOLOR將再度合體，衝擊大家的視覺，敬請樂迷期待。至於雷同二友憑《路仍長》獲大會頒發「香港流行音樂 Pop – 最佳年度單曲」及「未來音樂選 – 香港音樂年度十大 第十位」，歌曲《讓時間變慢》亦獲頒「香港民謠音樂 Folk – 最佳年度單曲」，以三獎姿態成全場大贏家，惜兩人現時身在英國未能親自到場領獎，雷同二友拍片感謝大會及眾投票的樂迷，並承諾會繼續做好音樂。
除了得獎歌手，頒獎嘉賓亦於台上分享他們的音樂歷程。盧巧音為大會頒發歌曲獎前，於台上分享自己的經歷：「大約20年前，喺某電台頒獎禮嘅後台，我同啲歌手玩到癲晒，當時有啲前輩歌手用奇怪嘅眼光望住我哋，覺得呢班人係傻嘅。我今日見到好多新面孔，我都覺得佢哋係傻嘅，咁辛苦，唔係傻嘅點會入行呀？」說畢，台下傳來熱烈掌聲。
殿堂級音樂人泰迪羅賓，細訴自己由60年代開始接受搖滾音樂：「嗰個年代，我哋踢完波就走涼茶鋪聽juke box（點唱機），我哋嗰陣就係咁聽歌。之後有好多變化，90年代嘅朋友未必知我係音樂人，因為我去咗做電影，但係我冇放棄過音樂，有繼續夾band。不過拍戲時間好長，好難保養把聲，所以90年代之後我好少唱歌，我唔敢，我過唔到自己嗰關。」他鼓勵大家繼續玩音樂。
而劉以達與卓韻芝於台上頒獎，達哥盡顯鬼馬本色，自爆首隊band叫「DLLM」：「嗰時開過一場好細嘅演唱會，就覺得要改個官方啲嘅名，於是就叫Don’t Like Loud Music，但係我哋啲歌好嘈㗎。」為擔任頒獎嘉賓，他特意聽所有入圍歌曲，大讚現時的樂壇很精彩、很有水準。他們為大會頒發由Sophy王嘉儀憑《自然變態》奪得的「香港電子音樂 ELECTRONIC – 最佳年度單曲」，王嘉儀除了感謝團隊，亦趁機預告即將推出的電音專輯，寄望香港觀眾更多支持本地不同類型的音樂。最後頒獎禮隨着劉以達與卓韻芝頒發「未來音樂選 – 香港音樂年度十大」第一位予Billy Choi及團隊的《Sorry呢度係香港》作結。
