Twins於年初展開《Twins Spirit 世界巡迴演唱會》，巡迴一整年，聖誕於倫敦OVO Arena Wembley演出後，又從倫敦飛到新加坡演出兩場。在倫敦站，黃偉文（Wyman）、JW 也有捧場，而新加坡站不單止是Twins出道至今的第100及101場演唱會，亦是巡唱的最終場。
回想過去一年的努力，蔡卓妍（阿Sa）謂走過世界各地，並且完成第一次倫敦開騷的夢想，是一件非常開心的事，由香港站開始，真的從來沒想到可以走足一整年：「每一站都有難以忘記的美好回憶，其中應付時差對我嚟講最難忘。美加巡迴不停去完東岸又去西岸， 連續21日，返香港一個禮拜又去倫敦，喺倫敦過埋聖誕又直接去星加坡，覺得自己啲體能都真係算係咁。」談到英國之旅，阿Sa完騷後，在當地放了一個短假，與媽咪、容祖兒、黃偉文等好友一起過聖誕，又與好友及一些已經移民當地的舊同學舉行聖誕派對。
在新加坡的慶功宴上，Sa坦言有點不捨，「每個演唱會都會有結束嘅時候，當然會唔捨得，喺個台上面見到有好多歌迷都喊，搞到我都忍唔住。當你企喺個台上面，見到觀眾好投入咁跟住你唱歌，對住你好開心咁笑，好留心咁聽你講每一句說話，真係好感動。」返港後，阿Sa表示要集中火力為主演的賀歲片做宣傳，「今年係超級無敵忙碌嘅一年，都真係有啲攰，我諗下年真係要放慢少少腳步，唔可以走太快。長命功夫長命做吖嘛！」
至於鍾欣潼（阿嬌）就表示巡唱做足一整年，非常難忘，「我同阿Sa都經常喺台上講，我哋每一次演唱會，都會當係最後一次，今次都唔例外，無人知日後幾時再開，我真係要好好放一個假，已經同公司申請了，我要好好休息，養足精神。」阿嬌非常多謝歌迷，這次巡演的一路相伴，「佢哋做左好多應援，有忠粉Twins先行到咁遠。同埋第一次係英國過聖誕，好有氣氛，都難忘，我買咗好多聖誕裝飾，返屋企裝飾自己棵聖誕樹。」
更多圖輯：
