Twins最近忙於北美巡演，剛完成了溫哥華站，適逢蔡卓妍（阿Sa）生日，由香港機場出發就已經開始收蛋糕，收到溫哥華、多倫多，歌迷不停送上生日蛋糕，生日禮物，鍾欣潼（阿嬌）於演唱會現場又跟全場歌迷一起齊唱生日歌，工作大隊為她慶生，溫哥華的家人朋友又食生日飯，生日慶祝至今天仍進行中。
Twins去到多倫多尼瓜拉瓜大瀑布，正是22日阿Sa的生日正日，大隊一起在日本餐廳慶祝，阿Sa今年踏入42歲，工作人員把插到蛋糕上的數字改為「24」，但阿Sa非常正面地自己把蠟燭調番轉，「你睇吓我個人幾誠實！人係會長大，假如今日我停留係24，大家就再見唔到我啦。我極度開心自己一年大一歲，證明我健健康康快快樂樂地活著，好好享受生命每一刻。」餐廳服務員更很熱情，主動為阿Sa跳舞慶生，還有靚仔叫壽星女拍他的屁股 ，又想拉她跳舞，嚇到阿Sa狂笑不止，十分搞笑！
今次巡演，Twins異口同聲表示覺得份外非常珍貴，「因為真係唔知幾時會再做咁長時間巡演啦，6場成個tour差唔到走20多日，唱完多倫多，之後重要去大西洋、拉斯維加斯，雷諾，再去英國倫敦！年紀愈大就愈覺得張學友，劉德華佢哋好勁，六十幾歲仲唱成百場，我地兩個六十幾歲個年都唔知會點啦，歌迷都或者湊孫，唔得閒理我哋啦，所以好期待今次每一站見到唔同地方嘅歌迷，好珍惜每一刻相聚。」
阿Sa表示：「由香港機場到依家，已經吹咗7個蛋糕，有啲係歌迷親手整，有啲係朋友送。今年生日好特別啦，因為時差關係，有兩日呀。感恩自己今年做咗好多嘢，雖然好忙但係好充實嘅！希望嚟緊呢一年身體健康，繼續有無窮無盡嘅精力，工作之餘仲可以去多啲旅行Work hard，play harder！多謝大家嘅生日祝福，我收到晒！」
TWINS SPIRIT演唱會一直以來都是四面台，到溫哥華開始變身三面台，二人也還未全習慣，所以經常有很多蝦碌發生，例如走錯位，行錯方向等等，非常搞笑。溫哥華站兩人落台跟觀眾握手，更引起全場瘋狂，群情洶湧，阿嬌準備返舞台時，行經Panel附近無法前進，結果只有上Panel度稍候，等觀眾返回自己位置冷靜，她更突發叫大家一起唱生日歌為阿Sa慶生，阿Sa笑言：「點解你喺嗰度唱嘅？」阿嬌說：「好少可以喺人群之中咁狀態，好特別呀，大家一齊唱生日歌俾阿Sa聽！祝你生日快樂！」
對於握手群情洶湧，但阿Sa表示：「之後重有大西洋城、拉斯維加斯，然後英國倫敦！唔怕啦，其實我係一個幾鍾意同觀眾握手嘅人，因為每一個近距離握手觀眾，都係四萬咁口望住你，都好開心㗎，好似大家互相交換開心能量咁，好正！」
阿嬌則稱很久沒到加拿大，看到朋友仔很開心：「仲飲到老豆屋企煲既湯水，好暖心。觀眾反應都超乎自己預期啦，咁耐無黎大家都咁熱烈，都好開心。因為舞台有變化所以要記好多新位置，第一場仲有Jet lag，個人未係好Warm up，希望之後幾場越來越好！」
