由蔡卓妍（阿Sa）和鍾欣潼（阿嬌）組成的Twins，今個月18日成軍20周年，為了紀念出道20年，兩人推出了新歌《小小女人》，她們開直播與粉絲互動，期間更透露計劃明年舉行出道20周年演唱會。
Twins的經理霍汶希（Mani）今日分享她們的舊照，相中見初出道的Twins陽光可愛，而Mani則長伴二人身旁，Mani貼文抒發與陪伴Twins 20年的感受：「 今日係520，等我感性一吓先。眨吓眼Twins就20周年，真係冇諗過同佢哋一齊經歷咗咁多歳月，睇番佢哋兩個小朋友嘅舊相，真係感慨良多。望住相入面嘅阿Sa同阿嬌，所有所有嘅事就好似噚日嘅事一樣，而我喺陪伴佢哋嘅過程中，亦都得到好多快樂同滿足，我諗呢啲就係時光給予最好嘅饋贈，我仲記得阿嬌話出道半年都唔知道有經理人，你哋擘大眼睇吓啦，我一直都喺你哋身邊冇離開過㗎（真係好傷心，冇咩事我都係返出去喊一陣先）。」
點擊睇更多Twins照片：
圖片來源：
蔡卓妍、霍汶希@Instagram
