唱作女子組合Beanies成員之一的Winky黃健怡，三月推出首支個人單曲《喵喵厭世學》，成為今年首位出歌的女新人。
日前，Winky推出了第二首個人單曲《初初出世學》，承接《喵喵厭世學》在電台熱播的氣勢。今次Winky與過往一樣，自己親自作曲之外，請來Oscar Lee填詞、黃兆銘編曲及陳考威監製，Winky說：「我最初無諗過個編曲可以咁豐富，大家可以留意一吓！」
上次第一首歌，Winky與填詞人Oscar以厭世貓的視覺看世界，今次Winky再與Oscar攜手，用了同一個場景，但以另一個角色，衍生了《初初出世學》，Winky說：「寫嘅係主人，好可惜個主人正在面臨生命完結前階段，但當刻佢嘅痛苦已經唔重要，最重要係佢已經搵到佢最深愛嘅嘢，呢樣嘢可以係一個人、一件事又或者一個經歷，而呢個主人最深愛就係佢隻貓！對佢嚟講，搵到深愛嘅一隻貓，等於重拾初初出世時嗰份無瑕、純潔。」當人能夠看透死亡，能夠抱住本來無一物的思想去面對死亡，就會發覺初來世界時的那份純真，是如此的純粹。
今次《初初出世學》的MV，身兼填詞人與creative director的Oscar提議下，找來了Issac負責動畫片製作，加上Sammy負責文字設計，出來的效果令Winky非常滿意，她說有難忘的部分，「用動畫去呈現，可以令聽眾有更大的想像空間，因為動畫可以跳出現實的框框，動畫中有一幕我很記得，有個女仔瞓咗喺度，慢慢zoom out原來佢係瞓咗喺隻好似黑膠嘅黃色碟上面，再zoom out原來係一隻貓眼，我覺得好唯美，又可以俾大家好大幻想空間！」Winky希望大家能夠透過《初初出世學》，可以感受到歌曲帶給大家的情緒，搵到大家深愛的人或事，重拾初初出世時的感覺。
